Gaur didaktikako bigarren saioa izan da, baina niretzako lehenengo saioa izan da.
Saio honetan, hezkuntzari buruzko testu bat irakurri dugu. Testu honetan, ikastetxe batean umeekin teknika desberdin bat erabiltzen zutela ikusi dugu. Teknika horrekin haurrak nolakoak diren gehiago ezagutu ditzakegu, izan ere, haur bakoitzak kaxa batean bere gauza preziatuenak edo gustokoenak ezartzen dituzte ikastolara eramateko eta beste gelakideei erakusteko. Kaxa horretan edozer gauza sar dezakete, beti ere, beraientzat esanguratsuak izaten badira. Kaxa eramandakoan, banan- banan haurrak kaxan zer objektu sartu dituzten eta zergatik sartu dituzten azaltzen diete gelakideei. Hau da, beraientzat zergatik diren garrantzitsuak adierazten dute.
Irakasleak ere bere kaxa eraman zuen, eta bere kaxan bere ahizpak emandako gona bat zegoen. Gona horrekin txikitan gertatu zitzaion historio bat kontatu zuen eta bere ahizpa gelara joan zen historioaren protagonista izan bait zen. Umeak hasieran ez zuten ulertzen zein zen emakume hori baina azaldutakoan dena ulertu zuten.
Testua irakurri ondoren, talde txikietan banatu eta galdera batzuk erantzun ditugu. Galdera hauetan, testuan atentzioa deitu diguna azpimarratu dugu eta zergatik deitu digun atentzioa ere azaldu dugu. Adibidez, irakasleak izandako jokaera batek atentzioa deitu dit. Ume batek esperientzia txar bat kontatu zuen eta triste sentitzen zela adierazi zuen, baina irakasleak kontatutako historioa ere triste zela ikustean, haurra ulertua sentitu zen eta irakasleak beraiekin enpatizatu zuela ikusi ahal izan zuen.
Bigarren galderan, pertsona bakoitzak txikitan testuarekin zerikusia duen zerbait bizi izan badu ,egoera hori gure koadernoetan aipatzeko eskatu digu irakasleak.
Azkenik, klasea bukatzeko, irakasleak hezkuntzako curriculuma zer zenaren nondik norakoak aipatu dizkigu eta hurrengo klasean horretaz arituko ginela esan digu.
